ሱዳን ኣምበሳድራ ካብ ኢትዮጵያ ጸዊዓ 

ሱዳን ኣብ ኢትዮጵያ ዝጸንሐ ኣምበሳድራ ጀማል ሼኽ፡ ንምምኽኻር ብዝብል ምኽንያት ብሰንበት ከምዝጸውዓቶ ወሃቢ ቃላ ሚኒስትሪ ወጻኢ ጉዳያት እታ ሃገር ንሮይተርስ ሓቢሩ። 

ኣብ ዝሓለፈ ኣዋርሕ ጀሚሩ ዝመጽእ ዘሎ፡ ጉዳይ ዶብ ዝመንቀሊኡ ግጭት ኣብ ሞንጎ ሱዳንን ኢትዮጵያን፡ ወጻኢ ጉዳያት ሱዳን ኣብ ዝሓለፈ መዓልታት ሰራዊት ኢትዮጵያ ንመሬት ሱዳን ከምዝኣተወ ከምዝጠቀሰ ዝፍለጥ ኮይኑ፡  ኣምበሳድራ ካብ ኢትዮጵያ ጸዊዓቶ ዘሎ፡ ብዛዕባ እዚ ዝተጠቅሰ ድዩ ኣይኮነን ግን ክፍለጥ ኣይተኻእለን። 

ኣብ ዝሓለፈ ወርሒ ጀሚራ ሱዳን ንነዊሕ ዓመታት ተጎቢጡ ጸኒሑ ዝበሎ መሬታ ከምዘምለሰት፡ ክትሕብር ምጽንሓ ዝፍለጥ ኮይኑ፡ ኣብ ዝሓለፈ ሰሙን ሰራዊት ኢትዮጵያ ወተሃደርዊ መጥቃዕቲ ብምክያድ መሬተይ ኣትዮምኒ ክትብል ምኹናና ይዝከር። 

ሱዳን ኢትዮጵያን ንነዊሕ ዓመታት ዝጸንሐ ዘሰሓሓብ ናይ መሬት ጉዳይ ከምዝጸንሐን ይፍለጥ።