ዓመታዊ ዋዕላ ባይቶ ይኣክል ሕቡራት መንግስታት ኣሜሪካ ሎሚ 25 መስከረም ጀሚሩ ይካየድ ኣሎ።
እዚ ዉሁድ ስራሕ ንዉሑስ መጻኢ ኣብ ትሕቲ ዝብል ቴማ ብቐጥታ ብፌስቡክ ናብ መላእ ዓለም እንዳተመሓላለፈ፣ ብመገዲ ዙም ዝካየድ ዘሎ ኮንፈረንስ፣ ባይቶ ሕቡራት መንግስታት ኣሜርካ ንዝሓለፈ ዓመት ዝነበሮ ናይ ስራሕ ገምጋም ብምግባርን፡ ዘካየዶ ንጥፈታትን ዕዮታትን ናብ ተሳተፍቲ ኣቕሪቡ ብምዝታይን፡ ነቶም ንዝመጽእ ናይ ስራሕ ግዚኡ ዘገልግልዎ ናይ መሪሕነት ኣካላት፣ ምርጫ ንምክያድን ከም ዓብይቲ ውጥናት ሒዙ’ዩ ዘካይዶ ዘሎ።
ኣብዚ ዋዕላ ብርክት ዝበሉ ኤርትራውያን ምሁራትን ናይ ክብሪ ዕዱማትን፡ ወከልቲ ማዕከን ሓበሬታትን ይሳተፉ ከምዘለዉ እውን ይፍለጥ።
ዝርዝራዊ ትሕዝቶ እዚ ዋዕላ ብመልክዕ ሪፖርታጅ ኣብዝመጽእ መዓልታት ከነቕርቦ ምኻና ንሕብር።
