ብመሰረት ANSA ዝተባህለ ማዕከን ሓበሬታ ዘስፈሮ ዜና፤ ሓንቲ ኤርትራዊት መንእሰይ ማርዓ ብምእባያ፤ እቲ ኽትምርዓዎ ተሓሲቡ ዝነበረ ግለ-ሰብ ብካራ ከምዝሃረማ ተፈሊጡ። እዚ ፍጻመ ዝሓለፈ ሮቡዕ 18 ነሓሰ 2022 ንግሆ ኣብ ሚላን ኢዩ ኣጋጢሙ። ብመሰረት እቲ ዜና፤ ማርዓ ናይ’ዞም ክልተ ግለ ሰባት ብስድራቤት ቅድሚ ኢሎም ንመርዓ ተሰማሚዖም እኳ እንተነበሩ፤ እታ ጓል ከምዝኣበየት፤ እቲ ወዲ ድማ ብካራ ከምዝወግኣ ኢዩ ፖሊስ ሚላን ዝሕብር። ብመሰረት እቲ ዜና እቲ ግለ-ሰብ ኣብ ትሕቲ ቀይዲ ኣትዩ ኣሎ።
ሰቲት ሚድያ ብግዱሳት ኤርትራዊያን ዝተመስረተት ናጻ ዘይመኽሰባዊት ትካል መራኸቢ ብዙሓን’ዩ። ሰቲት ካብ ማሃሪ ሓበሬታ ምስናቕ፡ ክብርታትን ባህላታትን ምዕቃብን፡ ብዙሕነት ናይ ኣተሓሳስባን ምጽውዋርን ንምዕባይ ኣብ ዝብል መትከላት ዝተመስረተት ናይ ሚድያ ትካል ኢያ። ሰቲት ብተፍርዮም ትሕዝቶ ሚድያ ኣብ ኤርትራ ፍትሒ፡ ናጽነት፡ መሰል ዜጋን ዲሞክራስን ክረጋገጽ ትጉስጉስ። ቐንዲ ዕላማን ዕማምን ሰቲት ንህዝቢ ኤርትራ ብሓፈሻ ፡ ኣብ ውሽጢ ንዘሎ ድማ ብፍላይ፥ እዋናዊ፥ ኣብ ፖሎቲካዊ፡ ቁጠባዊ፡ ማሕበራዊን ባህላዊን ዘተኮረ ሃገራውን ዞባውን ምዕባሌታት ምድህሳስን፡ ታሪኽ ህዝቢን ሃገርን ኤርትራ ምንጽብራቅን ኢዩ። ብመንጽር ‘ዚ ናይ ስራሕ ዕላማን ተበግሶን፡ ሰቲት መራኽቢ ብዙሓን ኣብ ሕብረተሰብናን ሃገርናን ኤርትራ፡ ርትዓዊን እወታውን ማሕበረ-ፖለቲካዊ ሎውጢ ክጎናጸፍ ትቓለስ።