ስርዓት ኣስመራ ስቕታኡ ሰይሩ

ድሕሪ ኣብ ከተማ ኣስመራ ዝተኻየደ ናይ ሮኬት መጥቃዕትን ኣብ ከባቢታት ሰንዓፈ ዝኽይድ ዘሎ ድብዳብን: ስርዓት ኣስመራ ምብርሂ ከይሃበ ድሕሪ ምጽናሕ፣ ብመገዲ የማነ ገብረመስቀል ኣቢሉ ሓጺር መልእኽቲ ሰዲድ። 

ሚኒስተር ሚኒስትሪ ሓበሬታ ኣቶ የማን ገብረመስቀል ሎሚ ብመንገዲ ትዊተር ” ንኽልተ ዘመናት ኤሪ-ቲቪ እዋናውን ብዕምቆትን ዝተዳለወ ዶኮመንታሪ ሰነዳትን ትንተናታትን ብዛዕባ ጃንዳ ወያነ ሓበሬታ ንህዝቢ ክህብ ጸኒሑ እዩ።  ስለዝኾነ ነዚ ናይ መወዳእታ ናይ ሰዓት 11፣00 ዕርበቱ ኣድህቦ ምሃብ ትርጉም ኣልቦ እዩ።” ክብል ተዛረቡ።

እዚ ከምዚ ኢሉ እንኮሎ፡ ብሚኒስትሪ ወጻኢ ጉዳያት ኤርትራ ኣቶ ዑስማን ሳልሕን ኣማኻሪ ቤት ጽሕፈት ፕረሲደንት ኤርትራ ኣቶ የማና ገብርኣብን ዝምራሕ ልኡኽ መንግስቲ ኤርትራ ሎሚ ኣብ ግብጺ ከምዛተወ ተሓቢሩ።