በዓልቲ ቤት ቀሺ ገብረመድህን ገብረጌርጊስ፡ ጽገወይኒ መኮነን ዓሪፋ

በዓልቲ ቤት እቲ ካብ 2004 ጀሚሩ ኣብ ቤት ማእሰርቲ ዝርከብ ቐሺ ገብረመድህን ገብረጌርጊስ፡ ወይዘሮ ጽገወይኒ መኮነን ከምዝዓረፈት ካብ ብዙሓት ዝመጽእ ዘሎ ሓበሬታ ይፍለጥ።

ኣብ 2004 ካብ ዝነበርዎ ቦታታት ተወሲዶም ክሳብ ሕጂ ደሃዮም ዘይፍለጥ፡ ቀሺ ገብረመድህን፡ ቀሺ ዶክተር ፍጹምን ዶክተር ተኽልኣብን ስድራቤታቶም ሃለዋቶም ከይተፈለጠ ሞትን ካልእን የርክቦም ከምዘሎ ይሕበር።

ቅድሚ ገለ ዓመታት በዓልቲ ቤት ቀሺ ዶክተር ፍጹም ከምዝዓረፈት ዝፍለጥ ኮይኑ፡ እዚ ሕጂ ሞት ወይዘሮ ጽገወይኒ ንሃለዋትን ህይወትን ኤርትራ ዝገልጽን፡ ምረትን ህይወትን እዞም ስድራቤታትን ብሰንኪ ምስዋር ኣባላት ስድርአን ሃለዋቶም ከይፈለጡ ይሓልፉ ምሃላዎም ዝያዳ ከቢድ ይገብሮ ምሃላዉ ብዙሓት በዚ ሞት ዝተሰምዖም ኤርትራውያን ይጠቅሱ።