ካብ ምንጭታት ሰቲት ዝተረኽበ ሓበሬታ ከምዘመልክቶ፡ ኣብ መጀመርታ ሰሙን ወርሒ ግንቦት፡ ንትግራይ ዘማሓደር ውድብ ህወሓትን ወተሃደራዊ ክንፊ ዝኾነ ብቲዲኤፍ(TDF) ዝፍለጥ ወተሃደርዊ ሓይሊ፡ ኣብ ከባቢ ሸንክ ራማ ዘሎ ዶብ ኤርትራን ትግራይን፡ ንስለስተ ጓሶት ኤትራውይን ጭውዮም ከምዝወስድዎም ተቃሊዑ። እቶም ተጨውዮም ዝተውውሰዱ ኣብ ክሊ ዕድም 13 ዝርክቡ ትሕተ-ዕድመ ቆልዑ፡ ኣብ መጓሰ ከለዉ ከምዝተጨወዩን፡ ድሕሪ መጭወይቶም ካኣ ብሰራዊት ህወሓት፡ እቶም ክልተ ክልተ ኣዒንቶም ብምፍሳስ ነቲ ሳልሳይ ድማ ሓደ ዓይኑ ከምዝፈስስ ብምግባር፡ መሪሑ ናብ ኤርትራ ክከይድ ከምዝገበሩ እቶም ምንጭታት ይሕብሩ። እቶም ግዳያት ድሕሪ ብ ሰራዊት ኤርትራ ዝተገበረሎም ቀዳማይ ረድኢት፡ ናብ ማእከል ሕክምና ዓይኒ ኣብ ኣስመራ ከምተወሰዱን ሕክምናዊ ኣገልግሎት ይረክቡ ከምዘለዉ ምንጭታትና ኣረጋግጾም።
ዕጡቓት ህወሓት፡ ኣብ ዝሓለፈ እዋን ካብ ከባቢታት ጾሮና ከብትን ጠለ-በጊዕን ከምዝዘመቱን ሓደ ቀሺ ድማ ጨውዮም ብምውሳድ ሃላውቱ ከምዝጠፍአን ነበርቲ እቲ ከባቢ ኣብዝተፈላለየ ኣጋጣሚታት ሓቢሮም ከምዝነበሩ ይፍለጥ።
ሰለስተ ትሕተ-ዕድመ ኤርትራውያን ጓሶት ብዕጡቓት ህወሓት ሙጒዳል ኣካል ወሪድዎም
