መትከል እዮብ ኣብ ዙር ግራንድ ፕሪክስ ጉንዶግሙስ ዓወት ኣመዝጊቡ

ኣብ ቱርኪ ዝካየድ ዘሎ ብግራንድ ፕሪክስ ጉንዶግሙስ ዝፍለጥ ዙር፡ ምስ ማሌዥያዊት ጋንትኡ ኮይኑ ዝሳተፍ ዘሎ መትከል እዮብ፡ ሎሚ ኣብ 7 መጋቢት ኣብ ዝተኻየደ ውድድር፡ ንወዲ ጋንትኡ ካርሎስ ኪንትሮ ብምስዓብ ካልኣይ ኮይኑ ተዓዊቱ።

ኣብዚ ኣስታት 2 ሰዓት 41 ደቂቕን ዝወሰደ ውድድር፡ መትከል እዮብ ካብ ተዓዋቲ እቲ ውድድር ዝኾነ ካርሎስ  ኪንትሮ፡ 15 ሰከንድ ድሒሩ ውድድሩ ምዕዋቱ ይፍለጥ።

ኣብ ዙር ግራንድ ፕሪክስ ጉንዶግሙስ 28 ጋንታት ይሳተፋ ምህላወን ዝፍለጥ ኮይኑ፡ ወዲ 27 ዓመት መትከል እዮብ፡ ኣብዚ ዓመት ኣህጉራዊ ውድድራቶም ካብ ዝገብሩ ዘለዉ ኤርትራውያን ፕሮፈሽናላት ተቐዳደምቲ ብሽክለታ እዩ።

ኤርትራ ኣብ ቅድድም ብሽክለታ ኣፍሪቃ ሓያል ዓብላልነት ዘለዋ ምዃኑ ዝፍለጥ ኮይኑ፡ 9 ፕሮፈሽናላት ተቐዳደምቲ ብሽክለታ፡ ምስ ዝተፈላለዩ ክለባት ኮይኖም ኣህጉራዊ ጸወታት የካይዱ ምህላዎም ሰቲት ኣብ ዝሓለፈ እዋን ኣብ ዜናኣ ኣስፊራቶ ምንባራ ይዝከር።