ኣብ ፈረንሳ ዝካየድ ዘሎ ብቱር ዲ ቫር ኣልፐስ ዝፍለጥ ቅድድም ብሽክለታ፡ ቢንያም ግርማይ ኣንበሳ ዓቀብ ብሙኻን ይመርሕ ከምዘሎ፡ ሳይክሊን ኒውስ (Cycling News) ዝተባህለ ናይ ስፖርት ማዕከን ሓበሬታ ኣፍሊጡ።
ኣብዚ ኣስታት 170 ኪሎሜተር ዝሸፈነ ትማሊ ዝተኻየደ ካልኣይ መድረኽ፡ ቢንያም ኣብ ክልተ ግዜ ዝተገብረ ናይ ዓቐበት ነጥቢ፡ ቀዳማይን ካልኣይን ኮይኑ ብምእታው፡ ሽዱሽተ ነጥቢ ሓፊሱ፡ ብድምር ዓሰርተ ሽዱሽተ ነጥቢ ብምውህላል ኣምበሳ ዓቐብ ኮይኑ ዝመርሕ ዘሎ። ቢንያም ግርማይን ያቆብ ደበሳይ ምስ ጋንታ ዴልኮ (Delko) ብሙኻንዮም ኣብ ኣህጉራዊ ጸወታት ዝሳተፉ ዘለዉ።
ኣብዚ ውድድር ምስ እስራኤላዊት ጋንታ ዝጻወት ዘሎ ካናዳዊ ሚካኤል ዉድስ (Michael Woods) እዩ ክዕወተሉ ክኢሉ ዘሎ።