ኤርትራዊ ሰምሳሪ ኣብ ትሕቲ ቀይዲ ከምዝኣተወ ተፈሊጡ

ተመስገን ገብሩ ገብረመድሕን ዝተባህለ ወዲ 35 ዓመት ከምዝኾነ ዝንገረሉ ኤርትራዊ ዜጋ፡ ካብ ኢትዮጵያ ናብ ኣውስትራሊያ ንምኻድ ኣብዝፈተነሉ ዝነበረ እዋን፡ ኣብ ትሕቲ ቀይዲ ከምዝኣተወ ሮይቶርስ ንምንጭታት ሚኒስትሩ ፍትሒ ዓዲ ጣልያን መወከሲ ብምግባር ሓቢሩ።

ብመሰረት ጸብጻብ ሮይተርስ፡ ተመስገን ገብሩ፡ ቀንዲ ኣባል ናይቲ ሰደተኛታት ካብ ሰሜን ኣፍሪቃ ናብ ኣውሮጳ ኣብ ምስጊጋር ተዋፊሩ ዝርከብ፡ ሰፊሕ ዓለም ለኻዊ ሳምሳሪ ትካል ኢዩ ተባሂሉ ከምዝሕሰብ ተፈሊጡ።

ኣብ ዓመተ 2020 ብዳኛ ዓዲ ጣልያን፡ ንማእሰርቲ ተመስገን ትእዛዝ ተዋሂቡ ከምዝነበረ ዝዝከር ኮይኑ፡ ኢንተርፖል ጽዑቅ ምክታታል ይገብሩሉ ከምዝነበሩ ይሕበር። ጸብጻብ ሮይቶርስ ኣስዒቡ፡ ተመስገን ናብቶም ካልኦት መሳርሕቱ ዝርከቡላ ሃገረ ኣውስትራሊያ ክምርሕ ክብል፡ ኣብ መዕረፎ ነፈርቲ ኣዲስ ኣበባ ከምዝተታሕዘ የንጽር።

ተመስገን ገብሩ፡ ኣባል ዝተወደበ ዓለም ለኻዊ ትካል ተባሂሉ ብምስጊጋር ደቂ-ሰባትን ኢዩ ዝኽሰስ።