ንኣባላት ሰቲት ኣብ ዓውዲ ጋዜጠኝነት ዘቶኮረ ስልጠና ይዋሃብ ኣሎ።

ኣባላት ሰቲት ሜድያ ንኣስታት ሰለስተ ሰሙን ዝቅጽል ሓፈሻዊ ኣብ ሞያ ጋዜጠኛንነት ዝሕግዝ ስልጠና ይወስዱ ኣለዉ።
እቲ ብቀዳም 19 መስከረም ዝጀመረ ስልጠና ዝሳተፉ ዘለዉ፡ ሰልጠንቲ ብዛዕባ ሓፈሻዊ ኣተሓሕዛ ሞያ ጋዜጠኝነት፡ ኣብ ቃለ-መሕትት፡ ኣጸሓሕፋ ዜናን፡ ዓንቀጻትን, ስነምግባርን መረዳእታን ሞያ ጋዜጠኛንነትን ከምኡ’ውን ፖሎቲካዊ ቁጠባ ኣብ ሜድያን ዘቶኮረ ስልጠናታት ይወስዱ ኣለው።
ነዚ ስልጠና ዝህቡ ዘለዉ ኤርትራውያን ሞያውያን ጋዜጠኛናታት ኣብርሃም ተስፋልኡል፡ ኣሮን ብርሃነ፡ ኣቤል መድሃነ፡ ሄርሞን ዑቅባሚካኤልን ኣብ ሞያ ጋዜጠኝንነት ንነዊሕ ዓመታት ዝሰርሑን ዝሰርሑ ዘለዉን እዮም።
እዚ ዝወሃብ ዘሎ ስልጠና፡ ኣብ ዝሰርሕዎ ዘለዎ ናይ መዲያ ንጥፌታት ሓጋዚ ከም ዝኾነ እቶም ነዚ ስልጠና ዝወስዱ ዘለዉ ኣባላት ሰቲት ሓቢሮም።
ሰልጠንቲ ኣብ ዝተፈላለየ ሃገራት ኤውሮጳ, እስራኤልን ሰሜን ኣሜርካን ዝቅመጡ ኮይኖም ፡ ቴክኖሎጂ ዝፈጠሮ ዕድል ብምጥቃም ብመገዲ ዙም እዮም ነዚ ስልጠና ዝወስድዎ ዘለዉ።