Wednesday, February 21, 2024

ህወሓት ጉጁለ ዘተ ሰላም ከምዘቆመ ኣፍሊጡ

ኣፈኛ መንግስቲ ክልል ትግራይን ሰንተራል ኮማንድን፡ ኣቶ ገታቸው ረዳ ን ኣሶስየትድ ፕረስ ኣብ ዝሃቦ ሓበሬታ ፤ ነቲ ናብ ክልተ ዓመት ተጸጊዑ ዘሎ ውግእ ሓድሕድ መዓልቦ ንምንዳይ፤ ምስ መንግስቲ ኢትዮጵያ ናይ ሰላም ዘተ እተካይድ ዝለዓለ ጽፍሒ ሓላፍነት ዘለዎም ኣባላት ዝሓቖፈት ግጁለ ናብ ኬንያ ንምስዳድ ድልዋት ከምዝኾኑ ኣፍሊጡ።

ኣፈኛ ህወሓትን ሰንተራል ኮማንድን ፡ኣቶ ገታቸው ረዳ ኣስዒቡ፤ “ንዓና፡ ክሉ ናይ ዝርርብ መስርሕ ብሕብረት ኣፍርቃ ምክያድ ዘይሓላፍነታዊ ኢዩ፡” ድሕሪ ምባል፤ “ዝኾነ ዝርርብ ን ፕርዝደንት ኬንያ ኡሁሩ ኬንያታ ዘሳተፈ ክኸውን ኣለዎ” ክብል ይሕብር።

ካብ ዝተፈላለያ ማዕከናት ዜና ዝተረኽበ ሓበሬታ ይኹን ካብ ገታቸው ረዳ፡ ዝርዝር ኣስማት ናይታ ቖይማ ዘላ ጉጁለ ዝርርብ ሰላም ዝምልክተ ክሳብ ሕጂ ኣይተፈልጠን።

ፈደራላዊ መንግስቲ ኢትዮጱያ ሸውዓተ ዝኣባላታ ብምኽትል ቀዳማይ ሚንስተር ትምራሕ ጉጁለ ዘተ ሰላም ከምዝቆመት ዝፍለጥ ኮይኑ ፤ ኣብ ሓምለ 12 ናይ መጀመሪያ ርክባ ከምዘቃነዐት ይዝከር። ብ ወገን መንግስቲ ኢትዮጵያ፤ እቲ መስርሕ ሰላም ብሕብረት ኣፍሪቃ ክካየድ ከምዘለዎ ክጽቀጠሉ ከሎ፤ ህወሓት ግን ብሽምግልና ኬንያ ክካየድ ከምዝደልዩ ብተደጋጋሚ ክገልጽዎ ጸኒሖም ኣለው።

Related Articles

LEAVE A REPLY

Please enter your comment!
Please enter your name here

16 − 3 =

Stay Connected

7,418FansLike
635FollowersFollow
18,800SubscribersSubscribe

Latest Articles