Tuesday, February 20, 2024

ፕሮፈሽናል ተቐዳዳማይ ብሽክለታ ኣማኒኤል ገብረዝግኣብሄር ብዘጋጠሞ መጉዳእቲ ኣብ ሕክምና ይእለ ኣሎ

ተቐዳዳማይ ብሽክለታ፡ ኣማንኤል ገብረግዛብሄር፡ ኣብ ውድድር ቮልታ ካታሎንያ፡ ኣብ ናይ መወዳእታ መድረኽ ናይቲ ውድድር፡ ተቐዳደምቲ ኣብ ልዑል ፍጥነት ከለዉ ብዘጋጠመ ናይ ምውዳቕ ሓደጋ ብዘጋጠሞ ጉድኣትን መስበርትን ኣብ ሃገረ ስጳኛ ኣብ ሆስፒታል ሕክምናዊ ክንክን ይግበረሉ ከምዘሎ ይሕበር።
ብመሰረት ዝተረኽበ ሓበሬታ፡ ኣማንኤል ገብረግዛብሄር ዝበጽሖ ሞጉዳእቲ ኣብ ውሽጣዊ ኣካላቱን መንቃዕቲ ኣዕጽምቲ ሕቆን መሰንገለን ከምዝኾነ እዩ ዝግለጽ። ኣብ ከተማ ባርሴሎና ዝርከብ ሆስፒታል ኣድላዪ ሕክምናዊ ክንክን ይግበረሉ ከምዘሎን፡ ኣብ’ቲ ሆስፒታል ከምዝጸንሕን ክሳብ ሕጂ ኣብ ዝተረጋግአ ኩነታት ከምዝርከብን ይፍለጥ።

ጉዳይ ምምላስ ናብ ልምምድን ምስታፍ ኣብ ውድድራት ቅድድም ብሽክለታን ኣመልኪቱ ካብ’ቲ ዝሕከመሉ ዘሎ ሆስፒታል ዝተረኽብ ሓበሬታ ከምዘመልክቶ፡ መኣስ ግዜ ክምለስ ከምዝኽእል ብንጹር ዝተቐመጠ ናይ ግዚ ሰሌዳ እኳ እንተዘይተረኽበ፡ ሓካይሙ ግን ክሳብ ሕጂ ሓውዩ ብሙሉእ ዓቁሙ ናብ ውድድር ክኣቱ ኣዋርሕ ክወስድ ከምዝኽእል ምሕባሮም ይግለጽ።

ሰቲት፡ ን ተቐዳዳማይ ብሽክለታ ኣማንኤል ገብረዝጋብሄር፡ ካብቲ ኣጋጢምዎ ዘሎ ማህሰይቲ ምሕረት ከውርደሉን፡ ናብቲ ኣዚዩ ዘፍቅሮ ውድድራት ብሽክለታ ክምለስን ከም ቀደሙ ዓወት ክጎናጸፍን ሰናይ ምንዮታ ትገልጸሉ።

Related Articles

Stay Connected

7,418FansLike
635FollowersFollow
18,800SubscribersSubscribe

Latest Articles