ሰሉስ 6 ሰነ 2023 | 6:53 ድ.ቀ

HOME:- ኣብ ሊብያ ዝርከቡ ስደተኛታት ናብ ውሑስ ቦታ ክግዕዙ ዝጽውዕ ሰለማዊ ሰልፍታታ ይካየድ ኣሎ

ኣብ ዝተፈላለየ ሃገራት ዝርከቡ ኤርትራውያን ኣኣብ ዝርከቡለን ከተማታትን ሃገራትን፡ ኣብ ሊብያ ኣብ ከቢድ መግደራ ኣትዮም ዝርከቡ ስደተኛታታ፡ ውሕስነቶም ክሕሎ፡ ማእሰርትን ግፍዕን ጠጠው ክብልን፡ ናብ ውሑስ ቦታ ንምስግጋሮም ስጉምቲ ክውሰድን ዝጽውዕ ሰለማዊ ሰልፍታት የካይዱ ምህላዎም፡ ኣብ ዝተፈላለያ ሃገራት ድማ ንዝቅጽል መዓልታት ተመዲቡ ምህላዉን ካብ ዝተፈለላየ ሃገራት ዝረኸብናዮ ሓበሬታ የመልክት።

እዚ ድሮ ኣብ ሽወደን፡ ከምኡ’ውን ዓዲ እንግሊዝ ተኻይዱ ዘሎ ሰለማዊ ሰልፍታት፡ ሰለፈኛታት ኣብ ኤምባሲ ሊብያ ብምትእኽኻብ፡ መንግስቲ ሊብያ ውሕስነት ናይዞም ስደተኛታት ክሕሉ ክጽውዑ ከለዉ፡ ላዕለዋይ ተጸዋዒ ስደተኛታት (UNHCR) ኣብ ሊብያ ስርሑ ንምክያድ ዘድሊ ምትሕብባር ክግበርን ጸዊዖም።

ኣብ ዝቅጽል መዓልታት ኣብ ኣሜርካ ኣብ ዝተፈላለያ ከተማታት፡ ኣብ ካናዳ፡ ጀርመን፡ ደኒማርክ፡ ስዊዘርላንድን ካልኦት ሃገራት ሰለማዊ ሰልፊ ንምግባር ተመዲቡ ከምዘለዎ ዝረኸብናዮ ሓበሬታ የመልክት።

ኣብ ሊብያ ካብ ዝሓለፈ ወርሒ ጀሚሩ ብምስምስ ጸጥታ ምሕላውን ምህዳን ኣስገጋርቲ ደቂሰብ፡ ሓሽሽን ኣጽዋርን፡ ብምባል ሓድሽ መንግስቲ ሊብያ ኣስታት 5 ሽሕ ስደተኛታት ካብ ጎደናን ዝርከብሉ ቦታን ከምዝዳጎኖም ዝፍለጥ ኮይኑ፡ ስደተኛታት ክሃድሙ ኣብ ክሳብ ሞት ዝበጽሐ ጉድኣት ከምዝበጽሐ ኣብ ናይ ዝሓለፈ ጸብጻብና ምግላጽና ይዝከር።

መውሃቢ ርእይቶ

ርእይቶ ኣብዚ
ስምኩም ኣብዚ