ኣብ ከተማ መናፖሊስ ኣሜሪካ ብግንቦት 25.2020 ኣብ ልዕሊ ጆርጅ ፍሎይድ ናይ ቅትለት ገበን ዝፈጸመ ደረክ ቾቪን 3 ነጥብታት ብዝሓዘ ገበን ሎሚ ዕለት 20.04.2021 ቤት-ፍርዲ ገበኛ ኮይኑ ረኺብዎ።
ፖሊስ ደረክ ቾቪን ኣብ ግንቦት 25.2020 ብሰቅቕ ኣገባብ እግሩ ኣብ ልዕሊ ጆርጅ ፍሎይድ ብምንባር ክሳብ እስትንፋስ ዝሓጽሮ ከምዝረገጾን፣ ድሒሩ ናብ ሆስፒታል ምስ ተወሰደ ድሕሪ 9 ደቒቕን 20 ሰከንድን ከምዝዓረፈ ይዝከር።
ኣብቲ ህሞት ጆርጅ ፍሎይድ፣ ንፖሊስ ደረክ ትንፋስ ከም ዝሓጸሮን እግሩ ካብ ክሳዱ ከልዕለሉን ብተደጋጋሚ እኳ እንተለመኖ፣ ደረክ ግን ከይዓጠጦ ክሳብ ሃለዋቱ ዘጥፍእ ብስቃጥ ብስሕለት ከምዝቐተሎ ይዝከር። እቲ ፍጻሜ በቶም ኣብቲ ቦታ ዝነበሩ ሰባት ስለዝተቐድሐ ድማ ኣብ ምሉእ ዓለም ብዙሕ ህዝባዊ ምልዕዓል ከም ዘስዓበን ኣብ ኣሜሪካ ድማ ንልዕሊ ሓደ ወርሒ ኣዝዩ ብርቱዕ ህዝባዊ ናዕቢ ከም ዘለዓዓለ ይፍለጥ።
ኣብቲ ሎሚ ዝወዓለ መጋበኣያ፣
1. 2 ደረጃ ቅትለት / Second-degree murder
2. 3 ደረጃ ቅትለት/ Third-degree murder
3. ቅትለት ነብሲ/Manslaughter
ብዝሓዘ ነጥብታት ቤት-ፍርዲ ገበኛ ኮይኑ ረኺብዎ ኣሎ።
ብተወሳኺ ኣብቲ ሎሚ ዝወዓለ መጋባኣያ ቤት-ፍርዲ ኣብ ዝሃቦ መብርሂ፣ ድሕሪ 8ተ ሰሙን ፍርዲ ከምዝህብ ገሊጹ ኣሎ።