ኣብ ኢትዮጵያ ክልል ትግራይ ዝካየድ ዘሎ ኲናት 3ይ ወርሑ ሒዝሉ ኣብ ዘሎ እዋን ዘውረዶ ዕንወትን ኣብ ልዕሊ ህዝቢ ዝወረደ ዘስካሕክሕ በደላትን ኩላትና ተዓዚብናዮ ወይ ሰሚዕናዮ ኢና::
ስለዚ:- ኲናት ብህጹጽ ደው ክብል ንጽውዕ::
– ኣብ ዘይምከቶም ኲናት ኣትዮም ዘለዉ ሰራዊትና ሰራዊት ኤርትራ ካብቲ ኲናት ብህጹጽ ክወጹ ንጽውዕ::
– ኣብ ክዕሊ ኤርትራውያን ስደተኛታትን ህዝቢ ትግራይን ዝወርድ ዘሎ በደል ደው ይበል::
ነዚ ሰላማዊ ሰልፊ ዝምልከት ሕቶታት ክህሉ ንቡር እዩ ገለ ካብኡ ንምምልስ:-
እዚ ሰላማዊ ሰልፊ መን ኣዳልይዎ? ንዝብል ሕቶ: ኣዳለውቱ – ምንቅስቓስ ኤርትራውያን ጀኔቫን ካብ ኩሉ ነጻ ዝኾኑ ኤርትራውያን ተቐማጦ ስዊዘርላንድን::
ገለ ሰባት ድማ መን ኣፍቂድልኩም ዝብሉ ኣይሰኣኑን እዮም ዘፍቅድን ዝፍቀደሉን ኣካልኳ እንተዘይሃለወ:-
ንእግረ መገድና ክንፈልጦ ኣብ ዓንቀጻት መሰረታዊ ሰብኣዊ መሰላት ውድብ ሕቡራት ሃገራት ዳርጋ ኩለን ሃገራት ዝፈረማሉ እዚ ሰፊሩ ኣሎ:-
ዓንቀጽ 19. ሓሳብካ ናይ ምግላጽ መሰል።
– ኩሉ ስብ ብማዕረ ክሓስብን ሓሳቡ ክገልጽ : ሓሳቡ ንኻልኦት ከካፋል: ርእይትኡን ተቓውሞኡን ክገልጽ መሰል ኣለዎ።
ዓንቀጽ 20. ናይ ምእካብን ናይ ጉባኤን መሰል።
– ነፍስወከፍ ሰብ ምስ ካልኦት ሰባት ክራኸብ : ምስ ብጾቱ ክዛተ : ክእከብ ክዝቲ : ናቱ ሰላማዊ ጉጅለ ክፈጥር መሰል ኣለዎ። ሰብ ናብ ዘይደልይዎ ጉጅለ ብሓይሊ ከምዝጽንበሩ ምግባር ኣይፍቀድን።
ዓንቀጽ 21. መሰል ናይ ዲሞክራሲ።
– ነፍስወከፍ ሰብ ኣብ ናይ ሃገሩ መንግስቲ ክዋሳእ መሰል ኣለዎ። ርእይትኡ ክገልጽ መሰል ኣለዎ: ክቃወም መሰል ኣለዎ: መራሒኡ ክመርጽን ድማ መሰሉ እዩ።
ብሕግን ስርዓትን ክንጉዓዝ ክንጅምር ግዚኡ እዩ::