Tuesday, February 20, 2024

ሕብረት ኤውሮጳ ብሰንኪ ኲናት ኣብ ኢትዮጵያ  ዝተሰደዱ ናብ ሱዳን ሓገዝ ይምድብ

ሕብረት ኤውሮጳ ነቶም ኣብ ዝሓለፈ መዓልታት ብሰንኪ እቲ ኣብ ኢትዮጵያ ኣብ ሞንጎ ፈደራላዊ መንግስቲን ብሄራዊ ክልል ትግራይን ዝተኸስተ ኩናት ሓድሕድ፣ ካብ ቤት መረበቶም ተመዛቢሎም ኣብ ጎረቤት ሱዳን ተዓቒቦም ዘለዉ ዜጋታት ኢትዮጲያ ዝውዕል መበገሲ ዝበሎ  ኣርባዕተ ሚሊዮን ኤሮ ከምዝሰለዐ ኮምሽነር ኮምሽን ሰብኣዊ ሓገዝን ምምሕዳር ቅልውላውን ሕብረት ኤውሮጳ ዝኾነ ጃነዝ ላነርሲስ ብመገዲ  ትዊተር ኣብ ዘውጽኦ ጽሑፍ ገሊጹ። 

ነዚ ተኸሲቱ ዘሎ ኩነታት ስዒቡ ዝመጽእ ሰብኣዊ ቅልውላው ንኤውሮጳዊ ሕብረት  ኣዝዩ ኣሻቓሊ እዩ ዝበለ እቲ ኮሚሽነር፣ ክልቲኦም ወገናት ፣ህጹጽ ምቁራጽ ተኹሲ ክገብሩ ኣተሓሳሲቡ። 

 ንሱ ብተወሳኺ  ኤውሮጳዊ ሕብረት ካብ መንግስቲ  ኢትዮጲያ ዝጽበዮ ነገር እንተልዩ፣ “ሓይሊ ምጥቃም ክቑጠብ፣ካብ ብሄር ተኮር ጥቕዓት ክቑጠብ፡ ውሕስነት ሰለማዊያን ሰባት ክሕሎን፣ ብዘይ ዝኾነ ዕንቅፋት ሰብኣዊ ሓገዛት ዝማሓላለፈሉ መንገድታት ክፈጥርን፡መራኸቢ ብዙሃን ነቲ ዘሎ ኩነታት ንክምዝግባ ተኽእሎ ንክህልወን ክገብርን፡ ከሙኡ’ውን ነቲ ተፈጢሩ ዘሎ ሽግር ፖለቲካዊ ፍታሕ ክረኽበሉን እዩ ኢሉ። ንሱ ኣብ መወዳእታ ምስ ኩሎም ኣብ ጉዳይ ሰብኣዊ መሰላትን፣ስደተኛታትን ላዕዕላዋይ ኢድ ዘለዎም ኣካላት  እንዳተራኸበ ነቲ ጉዳይ ብቐረባ ይከታተሎ ከምዘሎን ፣ኣብ ዝመጽእ ዘሎ ሰሙን ነቶም ኢትዮጵያውያን ስደተኛታት ተዕቁብ ዘላ ሱዳን ዘለዎ ድጋፍ ንምግላጽ፣ናብታ ሃገር ምብጻሕ ክፍጽም ምዃኑ ገሊጹ።

Related Articles

LEAVE A REPLY

Please enter your comment!
Please enter your name here

three × four =

Stay Connected

7,418FansLike
635FollowersFollow
18,800SubscribersSubscribe

Latest Articles