Tuesday, February 20, 2024

ባህርዳር ንሳልሳይ ግዜ ብሮኬታት ተደብዲባ

ናብ ሎሚ  23 ሓዳር ኣብ ዘውግሐ ለይቲ ኣብ ከተማ ባህርዳር ንሳልሳይ ግዜ ሮኬታት ከምዝዓለበ ተሓቢሩ። ኣብ ዝሓለፈ ክልተ ሰሙን ጀሚሩ ንመዓርፎ ነፈርቲ ባህርዳር ዕላማ ዝገበረ ደብዳብ ሮኬታት ተፈጺሙ ምንባሩ ዝፍለጥ ኮይኑ፡ ብዛዕባ ዘውረዶ ጉድኣት ብነጻ ኣካል ክፍለጥ ኣይተኻእለን፡ እንተኾነ መንግስቲ ፌደራል ኢትዮጵያ ብሰንኪ እቲ ደብዳብ እቲ መዓርፎ ነፈርቲ ፎኪስ ጉዳኣት ከምዝበጽሖ ገሊጹ ምንባሩ ይዝከር።

ኣብዚ ሎሚ ለይቲ ተፈጺሙ ዝሓደረ ደብዳብ፡ ብዛዕባ ዘውረዶ ንዋታዊ ይኹን ሰብኣዊ ጉድኣት ክፍለጥ ኣይተኻእለን ዘሎ።
መንግስቲ ፌደራል ትማሊ 22 ሕዳር ኣብ ትግራይ ንዝርከቡ መራሕቲ ኢዶም ንክህቡ ናይ 72 ሰዓታት ዕድል ሂበኹም ኣለኹ፡ እንተዘይኮይኑ ንምትሓዞም ዝግበር ስርሒት ከበድቲ ኣጽዋር ክንጥቀም ኢና ዝበሎ፡ ኣብ ማሕበረሰብ ዓለም ከቢድ ስምባደ ፈጢሩ ይርከብ።

ኣብ ኢትዮጵያ ተኸሲቱ ዘሎ ኲናት ዛጊት ሳልሳይ ሰሙኑ ኣቑጺርሉ ኣብ ዘሎ እዋን፡ ብዛዕባ ወሪዱ ክህሉ ዝኽእል ሞትን መቁሰልትን ዕንወትን ዓቢ ሻቁሎት ፈጢሩ ይርከብ።

Related Articles

LEAVE A REPLY

Please enter your comment!
Please enter your name here

4 + eighteen =

Stay Connected

7,418FansLike
635FollowersFollow
18,800SubscribersSubscribe

Latest Articles