መንግስቲ ስዊዘርላንድ ስደተኛታት ነናብ ሃገሮም ክመልሶም ንኽጥዕሞ ኣብ ጀኔቫ ኣብ ከባቢ ኤርፖርት ሓደ መዓስከር ስደተኛታት ኣብ ምስራሕ ይሸባሸብ ኣሎ።
እዚ ኣስታት 250 ስደተኛታት ክሕዝ ትጽቢት ዝግበረሉ መዓስከር ኣብ ስዊዘርላንድ ዑቕባ ሓቲቶም እሞ ናይ ዑቕባ ሕቶኦም ዝተነጽገ ስደተኛታት ዝዕቆቡሉ ኮይኑ ስደተኛታት ንምስጓጎም መታን ክጥዕም ኣብ ግራንድ ሳኮነ ኣብ ጥቓ ኤርፖርት(መዕርፎ ነፈርቲ) እዩ ክህነጽ ተወጢኑ ዘሎ።
ስደተኛታት ኣብ ሃገሮ
ም ብዘጋጥሞም ናይ ፖለቲካ ጸገም፡ ምንዋሕ ውትህድርና፡ ብልሽው ምሕደራ፡ ቁጠባዊ ጸገምን ካልእ ምኽንያታትን ደሪኽዎም እዮም ካብ ሃገሮም ወጺኦም ናብ ካልእ ሃገር ክስደዱ ዝግደዱ።
እዚ ኣብ ጀኔቫ ክህነጽ ተወጢኑ ዘሎ መዓስከር ስደተኛታት ድማ ንስደተኛታት ካልኣይ ዕድል ዘይህብ፡ ናብቲ ራህሪሖሞ ዝተሰዱ ዘይጠዓሞም ሃገር ዳግማይ ዝመልስ፡ ተመሊሱ ናብ ሓደጋ ዘእትዎም ብምኳኑ ንቃወሞ። እዚ መዓስከር ብተወሳኺ ዓሌታውን ፈላላይን እዩ። ኣብዛ ማእከል ቤት ጽሕፈት ሰብኣዊ መሰላት ዝተደኮና ከተማ ጀኔቫ ክህነጽ ድማ ኣዝዩ ዘሕፍር እዩ።
ምስራሕ እዚ መዓስከር ንምቁዋም 3 ጥቅምቲ 2020 ሰላማዊ ሰልፊ ክካየድ እዩ።
ሰላማዊ ሰልፊ ዝጅምረሉ ቦታ :- Place de la Navigation (ፓኪ)
ሰዓት :- 14፡00(2፡00 ድ.ቀ)