ሚኒስትሪ ወጻኢ ጉዳያት ሂንዲ፡ ሚኒስተር ሽሪ ቪ ሙራሊድሃራን፡ ብ 14ን 15 መስከረም 2022፡ ኣብ ኤርትራ ወግዓዊ ናይ ስራሕ ምብጻሕ ከካይድ ሙዃኑ፡ ካብ ሚኒስትሪ ወጻኢ ጉዳያት ሂንዲ ዝተረኽበ ሓበሬታ ይገልጽ። ሚኒስተር ሽሪ፡ ኣብ ወግዓዊ ጽንብል ሓድሽ ፕረዝደንት ከንያ፤ ዊልያም ሩቶ ድሕሪ ምስታፉ፤ ናብ ኤርትራ ከምዝኸይድ እዩ እቲ ሓበሬታ ዘመላኽት።
ሚኒስተር ሽሪ ቪ ሙራሊድሃራን፡ ኣብ ኤርትራ ኣብ ዝጸንሓሉ፤ ምስ ፕረዝደንት ኢሳይያስ ኣፈወርቅን ሚኒስተር ወጻኢ ጉዳያት ኤርትራ ሚኒስተር ዑስማን ሳልሕን ከምዝራኸብ፤ ከምኡ ውን ምስ ኣብ ኤርትራ ዝርከቡ ሂንዳውያ ማሓብረሰብ ርክብ ከምዘካይድ፡ እቲ ሓበሬታ የረድእ።
ዝምድና ኤርትራን ሂንድን ካብ 1993 ዝጀመረ ኮይኑ፡ ኤርትራ ብብዝሒ መምሃራን ካብ ሂንዲ ከምተምጽእ ዝፍለጥ ኮይኑ፤ ኣብ 2020 ናይ ኮቪድ ለበዳ ኣብ ዝተከሰተሉ፡ ሃገረ ሂንዲ ናይ ስርናይ ሓገዝ ናብ ኤርትራ ከምዝላኣኸት ይዝከር።
